«Төп пассажир»ны җирләделәр... (фото)

Автор, 10 декабрь 2015 - 05:18

713

Мисырдан Санкт-Петербургка кайтучы самолет белән һәлакәткә очрап үлгән Громовлар гаиләсен - Татьяна белән Алексей һәм аларның кызлары Даринаны соңгы юлга озаттылар.

Самолетның "төп пассажиры" һәм аның әти-әнисе Синай ярымутравындагы һәлакәттән соң 40 көнгә бер тәүлек кала Пушкино шәһәре зиратына җирләнде. Даринага әле 10 ай гына иде, ә аның әти-әниләренә икесенә дә 27 яшь булган. Самолетта иң кечкенә кеше булганлыктан, Даринаны әнисе "төп пассажир" дип атаган иде. Сабыйның фотосы фаҗиганең символына әйләнде.