Татарстан мөселманнары өчен сайт ачыла

Әлеге проектны төзүче Айрат Касыймов сүзләренә караганда, мөселманнар эшкә урнашканда төрле проблемалар белән очраша. «Сайтта барлык төр эшләр дә күрсәтеләчәк, без хәләл продукция җитештерүчеләр белән генә эшләмибез», - ди Касыймов. Әмма мөселманнарга катгый тыела торган продукция җитештерүчеләргә бирегә юл ябык. Болар - алкоголь, тәмәке җитешреүчеләр, кредит бирүчеләр.
Тиздән сайт Мәскәү һәм төньяк Кавказда да эшли башлый.