Балалар туберкулез шифаханәсендә прокуратура тәртип бозу очракларын тапкан

Мәсәлән, 34 педагогның берсе дә эшкә урнашканда элек хөкем ителмәве турында белешмә бирмәгән. Моннан тыш, тикшерү күрсәткәнчә, 5-9 сыйныфның математика программасы мәктәпнең җирле актына туры килми. 2015-2016 елга укыту планы бердәм документ итеп күрсәтелмәгән, ә мәктәпнең гомуми план бүлеге итеп рәсмиләштерелгән, ул фәннең үзенчәлеген күрсәтми.

5 сыйныф укучыларының фәннәр буенча программа һәм дәреслекләр дәүләт стандартына туры килми.

Тикшерү нәтиҗәсе буенча прокуратура шифаханәнең баш табибына җитешсезлекләрне юк итүне таләп итте һәм ике хезмәткәрне дисциплинар җаваплылыкка тартты.