Алсуның 19 яшьлек энесе үзеннән олырак миллионер кызына өйләнгән (+ФОТО)

Җырчы Алсу энесенең туенда булган - 19 яшьлек Ренард Сафин тормыш юлын 25 яшьлек Зәлинә Сөләйманова белән бәйләргә булган.

Яшь парлар Мәскәүдә язылышкан. Танышулары өчен әти-әниләренә рәхмәтледер алар. Дачалары янәшә булган ике гаилә шул рәвешле кодалар булып куйган.

Кияү егете әле эшләми, студент. Шулай да инде әти булырга җыена, ди. Бик тиздән тормыш иптәше аңа бәби бүләк итәчәк икән.

Миллионер Ралиф Сафинның дәвамчысы булган Ренард һәм бизнесмен кызы Зәлинәнең туена гаиләнең иң якын кешеләре генә чакырылган. Туй башкаланың бер затлы ресторанында узган. Яшьләр ширбәт аен Кипрда уздырачак, ди.

Мәгълүмат интертат.ру сайтыннан алынды.