Алинә Давыдова "Салават" театрына ничек эләккән

"Салават Зәкиевич үзе чакырды. Әмма бер шарт белән: укуны да, эшне дә берьюлы алып бара алсам гына. Мин шатланып риза булдым, шартына күндем", дип сөйләгән Алинә "Шәһри Казан" газетасы хәбәрчесенә.

"Салават абый төркеменә килгәндә, микрофонны ничек дөрес тотасын да белми идем. Остазым: «Микрофон ул - үзе бер сәнгать», - дия иде.

Репетиция вакытында беркая китми, җырның бер борылышын гына дөрес итеп алмасаң да, үзе күрсәтә, кайчагында сүгә дә иде. Әмма беркем үпкәләми. «Салават» җыр театрында эшләүчеләр корычтай чыныга. Аның мәктәбен узган кешегә тормыш итүе дә җайлырак."