Алдынгылар рәтендә Яшел Үзән районы юк

Авыл хуҗалыгы һәм эшкәртү сәнәгате көне уңаеннан районның авыл хуҗалыгы идарәсе җитәкчесе Таһир Җиһаншин белән сөйләштек.

-Таһир Галимҗанович, ел җиңел булмады. Инде соңгы биш елда авыл хуҗалыгы авыр шартларда эшли. Быелгы елны нинди уңышлар белән төгәлләп киләсез? Һәм ни өчен алдынгы районнар исемлегендә Яшел Үзән күренми?

-Авыл хуҗалыгы җиңел тармак түгел. Безнең район шәһәргә якын урнашуы белән дә аерылып тора. Яңа объектлар төзелә һәм кешегә эш сайлап алу мөмкинлеге дә күбрәк. Инде ничә ел рәттән һава шартлары да сыный. Яз көне эссе булды. Бу көздән чәчкән культураларның бөртекләре формалашкан вакытка туры килде. Ә язгы культуралар авыр тишелде. Июль буе яуган яңгырда тишелми калганнары да борын төртә башлагач, ике төрле булып үсте. Менә шул факторлар да уңышка йогынты ясамый калмады.

Журналист Алия Гаязованың Таһир Җиһаншин белән әңгәмәсен газетабызның 14 октябрь саныннан укый аласыз.