А321 самолеты пассажирлары шартлауга хас тән җәрәхәте алган

Пассажирларны шартлы рәвештә ике төркемгә бүлгәннәр. Беренчесенә самолетның төп кисәкләре булган районнан табылган пассажирлар, ә икенчесенә очкычның койрык өлешендәгеләр кертелгән. Самолетның алгы ягында утыручылар баш, күкрәк читлеге, эч һәм оча өлешендә тупас имгәнүләр алган, күп кан югалткан, эчке органнары өзелгән, диелә. Ә койрыктагы пассажирларның LifeNews хәбәр иткәнчә, шартлауга хас имгәнүләр алган. Аларның тәне 90 %ка кадәр пешкән, диелә. Тикшерү эше дәвам итә.

Мисырда һәлакәткә юлыккан самолет белән бәйле сер пәрдәсе берникадәр ачылырга охшап тора. LifeNews үз чыганаклары аша суд-медицина экспертизасы нәтиҗәләренә күз сала алган.

Чыганак: интертат.ру