2014 ел нәтиҗәләре

Март

• Норлатта тулысынча яңартылган, иркен бинада балалар бакчасы ачылды.
• Мулла Иле мәктәбендә атаклы галим, филология фәннәре докторы, РФ гуманитар фәннәр академиясе академигы Гомәр Саттаров белән очрашу булды.
• ПОЗиС суыту техникасы җитештерелә башлавының 55 еллыгын бәйрәм иттеләр.

Апрель

• 1 апрельдән шәһәр эчендәге маршрут автобуслары бәясе 15тән 17 сумга күтәрелде. Шулай ук илдә барлык төр пенсияләр дә артты.
• «Әнгам» сәүдә ширкәте генераль директоры Әнвәр Миңнуллин «Ел хәйриячесе-2013» бәйгесе лауреаты булып танылды.
• Төмәндә узган Россия чемпионатында чаңгыда шуу остасы Андрей Ларьков ике көмеш медаль яулады.
• Кырымнан бер төркем делегация эшлекле визит белән килеп китте.
• «Яшел Үзән» газетасы призына яшүсмерләр арасында милли көрәш буенча, үткәрелгән ярышта 80гә якын көрәшче катнашты. Яшүсмерләр күрше районнан да килде.
• Кырым республикасыннан килгән кунаклар «Майский» агрокомбинатының ТР авыл хуҗалыгы продукциясе җитештерү тармагының йөзек кашы икәнлеге үз күзләре белән күреп китте.

Май

• Шәһәрнең 2нче балалар бакчасы «Россияне 100 иң яхшы мәктәпкәчә яшьтәге мәгариф оешмасы-2013» бәйгесендә җиңеп чыкты. Бакча мөдире Кадрия Вәлиева «Ел директоры - 2013» дигән мактаулы исемгә лаек булды.
• ТР авыл-хуҗалыгы һәм азык-төлек министры Марат Әхмәтов Идел аръягы басуларын карап чыккач, район хуҗалыкларының кырлары әйбәт күренә дип бәяләде.
• Олы Карагуҗа мәктәбе 95 еллык юбилеен зурлап билгеләп үтте.àВетераннар советы җитәкчесе итеп Тәлгать Гыйззәтуллин билгеләнде.
• 21 майда Горький исемендәге завод чираттагы корабын тантаналы рәвештә суга төшерде. «Океан»-22100 проекты буенча төзелгән бу корабль дөньядагы бар океанда да йөзү мөмкинлегенә ия.
• Тимераякта шуу остасы Лилия Хәлилова Дубайда узган дөнья ярышларында көмеш медаль алып кайтты.