112 хезмәте татарча да “сөйләшә”

Гадәттән тыш хәлләр очрагында кесә телефоныннан «112» номерын җыйсаң, сигналны республиканың ашыгыч оператив хезмәте кабул итеп алачак. Сиңа иң якын торган урыннан ярдәм җибәреләчәк: коткару, янгын, медицина, полиция хезмәтләре - синең мөрәҗәгать тиз арада барысына да хәбәр ителә.

Моны урманга гөмбәгә йөрүчеләргә дә белеп тору яхшы. Нәрсә булмас: егылып аягыңны авырттырсаң, елан чакса, адашсаң... «112»не җыясың. Элемтә тотмаган зонадан да синең хәбәр бердәм ашыгыч ярдәм хезмәтенә барып ирешә.