Күгеш авылы халкы җитәкчеләр, яңа район башлыгы белән очрашуга быел аеруча ныклап әзерләнгән иде. Мәдәният йорты авария хәлендә, идәне җимерек дип тормаган үзләре, яңа елны гөрләтеп шушы бинада каршы алганнар, ә халык җыены мәктәптә узды. Һәм аның ишегалдында авылның алтын куллы ир-егетләре ясаган техника күргәзмәсе оештырылган иде. Колхозлар таркалып, тракторларга кытлык башлангач, хуҗалыктагы эшләргә менә шушы техника ярдәмгә килә дә инде.
