Койкадагы (желе) карбыз

• Карбыз эче – 1 кг
• Лимон – 250 гр
• Су – 400 мл
• Бал – 0,5 л
• Желатин – 30 гр

Әзерлибез:

Карбызның эчен шакмаклап турыйбыз. Су белән балдан сироп ясыйбыз һәм карбызны шунда 15 минут пешерәбез. Лимонның кабыгын саламлап турыйбыз һәм карбыз янына кушабыз. Ахырда желатинны да салып, ул эреп бетәрлек итеп җылытабыз. Лимон кисәкләрен үз теләгегезгә карап кушыгыз.  Стерильләштерелгән кайнар банкаларга тутырып, капкачлап куябыз.