Яшел Үзән

Үзебезнеке тәмлерәк

Агымдагы елның 5 ноябреннән Европада Сыйфат атнасы старт алса, 8 ноябрьдә бөтен илләрдә Бөтендөнья сыйфат көне билгеләнә. Әлфия ЗЫЯКАЕВА Быел бездә традициягә әйләнгән чаралар яңа шартларда - Россиянең ВТОга кергән мәлендә уздырыла. Шуның белән бергә, 15 октябрьдән 15 ноябрьгә кадәр, беренче тапкыр Бөтендөнья сыйфат көне уңаеннан Бөтенроссия сыйфат айлыгы оештырыла....


Агымдагы елның 5 ноябреннән Европада Сыйфат атнасы старт алса, 8 ноябрьдә бөтен илләрдә Бөтендөнья сыйфат көне билгеләнә.

Әлфия ЗЫЯКАЕВА

Быел бездә традициягә әйләнгән чаралар яңа шартларда - Россиянең ВТОга кергән мәлендә уздырыла. Шуның белән бергә, 15 октябрьдән 15 ноябрьгә кадәр, беренче тапкыр Бөтендөнья сыйфат көне уңаеннан Бөтенроссия сыйфат айлыгы оештырыла.
Айлыкны РФ субъектлары һәм шулай ук ТР Президенты Р.Миңнеханов ярдәме белән Бөтенроссия сыйфат оешмасы (ВОК) һәм «Россиядә җитештерелгәнне сатып алыгыз» программасы оештыра.
Сыйфат айлыгының төп максаты - үзебезнең илдә җитештерелгән продукциянең сыйфатын арттыру, аны дөнья статусына яраштыру, эшмәкәрләрне һәм фәнни-техник җәмәгатьчелекне сыйфат проблемасына җәлеп итү, конкурентлыкны арттыру.
Татарстан өчен студентларның Бөтендөнья җәйге универсиадасы алдыннан товарның сыйфатын арттыру аеруча актуаль булып тора. Кунакларга күрсәтелгән хезмәтләр никадәр сыйфатлы булса, республиканың да абруе шуның кадәр күтәреләчәк.
Сыйфат көненә Яшел Үзән районы территориясендә ел саен җентекләп әзерләнеп, җирле җитештерүчеләрнең продукциясен киң кулланышка чыгаралар. Бу ел да искәрмә түгел. Менә шул төп чараларга килгәндә, «Яшел Үзән икмәк комбинаты» ЯАҖ җитештергән икмәк-күмәч һәм кондитер әйберләргә дегустация 1 һәм 2 ноябрьдә Комаров һәм Заикин урамнарындагы «Март» кибетләрендә булып узды инде. Ә 7 ноябрьдә мондый дегустация 15 сәгатьтән 18 сәгатькә кадәр Комсомольская урамындагы һәм 8 ноябрьдә Гагарин урамындагы «Алита» кибетләрендә уздырылачак.
Васильево икмәк заводының һәм базардагы Р.Габдрахманов мини-пекарнясы продукциясен 8 ноябрьдә «Табигать байлыклары» МУПның беренче катында 9дан 13 сәгатькә кадәр татып карарга була. Бу көнне шушы ук урыннарда Яшел Үзән алкоголь инспекциясенең эчке базарны кординацияләү бүлеге белгечләре кизү дә торачак һәм кулланучылар мөрәҗәгатьләрен кабул итәчәк.
9 ноябрьдә 11 сәгатьтән 13 сәгатькә кадәр Ленин урамындагы «Пятерочка» кибетендә гражданнарны кабул итү була.
8 ноябрь көнне Засорин урамындагы Дәүләт алкоголь инспекциясе Яшел Үзән территориаль органының эчке базар үсеше һәм координацияләү бүлегендә 8 сәгатьтән 17 сәгатькә кадәр 4-58-78 телефоны аша кулланучылар өчен «Кайнар линия» эшли. Товарлар, кулланучыларга күрсәтелүче хезмәтләр сыйфатына кагылышлы сорауларны бирергә була.

Нравится
Поделиться:
Реклама
Комментарии (0)
Осталось символов: