Законы каты

1 сентябрьдән юл хәрәкәте кагыйдәләрен бозган өчен штрафлар арта.
Хәзер минималь штраф 100 сум булса, 1 сентябрьдән 500 сум булыр. Әйтик, тизлекне бераз гына арттырсаң да, 500 сум түләргә. Кагыйдә бозган җәяүлегә дә кагыла бу закон. Исерек килеш руль артына утыручы тагын да катырак законнар буенча җәзага тартыла: андыйлар 30 мең сум штраф түләү белән беррәттән, 1,5-2 елга машина йөртү хокукыннан колак кагарга мөмкин. Руль артында телефоннан сөйләшүчеләр дә кимер төсле. Эләксәң, 1500 сумыңны чыгарып салырга туры киләчәк. Шунысы сәер: законнар катыланган саен юл хәрәкәте кагыйдәләрен санга сукмаучылар саны пропорциональ рәвештә арта бара.