Юл игътибар таләп итә

Зур юлларда әледән-әле төрле фаҗигаләр чыгып тора.
Менә шулай Мәскәү - Уфа юлының Новониколаевка авылы янында «ВАЗ-11940» автомобилен йөртүче Яшел Үзәндә яшәүче 59 яшьлек ир зур юл бу, куркыныч дип тә тормаган, юл кагыйдәләрен үтәргә кирәклеген онытып, прицеплы «Рено Премиум» автомобиленә юл бирмәгән. ДТП нәтиҗәсендә үзе исән-сау булса да, пассажирлары нык зыян күргән: 63 яшьлек хатынның куллары җәрәхәтләнгән, 84 яшьлегенең муен өлешендә умыртка сөяге сынып, Казан дәваханәсенә озатылган.