Өйрәнүләр бездә дә булды

Шимбәдә бөтен Татарстанда гражданнар оборонасының үзәкләштерелгән хәбәр итү системасының әзерлеге тикшерелде.
Бу көнне Яшел Үзәндә дә урам сиреналары эшләде, өстәвенә громкоговорительләрдән өйрәнүләр баруы турында хәбәр итеп тә йөрделәр әле. Сирена сигналын ишетүгә махсус хәбәрне тыңлау өчен радиоприемникларны һәм телевизорларны ачарга кирәк иде.
Яшел Үзәндә өйрәнүләр тиешле дәрәҗәдә узып, сиренаны күбесе ишеткән. Шулай да, ишетмичә һәм хәтта белмичә калучылар да булгалаган. Ачыкланган кимчелекләр, безгә тыныч йоклау өчен, бу эшне тагын да камилләштерү зарурлыгын күрсәтә.