«ЫШАНЫЧ» ҮЗӘГЕ – БӘЙГЕ ҖИҢҮЧЕСЕ

Казанның «Пирамида» күңел ачу үзәгендә «РИТЭК» җәмгыяте һәм ТРда «Лукойл»ның хәйрия фондының социаль һәм мәдәни проектлар бәйгесендә җиңүчеләрне котлау тантанасы булды. Тантанада ТР дәүләт киңәшчесе М.Шәймиев, ТР премьер-министры И.Халиков, «Лукойл» нефть компаниясе» җәмгыяте президенты В.Алекперов катнашты.
Конкурс барган еллар эчендә 200 иҗтимагый әһәмияттәге проект финанс ярдәме алган. 2012 ел конкурсны оештыручыларны яңа инициативалары белән шатландырды. Татарстанның барлык районнары әлеге бәйгедә катнашу теләген белдергән - барлыгы 750 заявка. Шуларның 133е проектның җиңүчесе булды. Алар арасында Яшел Үзәннең «Доверие» физик мөмкинлекләре чикле балаларны тернәкләндерү республика үзәге дә бар.