Яшьләрне «агулы ятьмәләрдән» саклыйк

Узган атнада Яшел Үзән районы имамнары һәм шулай ук хакимият җитәкчелеге, ТР буенча Россия ФСБсының Яшел Үзән районы бүлеге, РФ МВДсының Яшел Үзән районы бүлеге вәкилләре катнашында «түгәрәк өстәл» булды.
Форум барышында Исламның төп нигезенең берсе тынычлык, шул исәптән башка диннәр белән тыныч яшәү, икәнлеге ассызыкланды. Мөселманнарның тынычлык яратуы Коръәндә чагыла. «Түгәрәк өстәл»дә катнашучылар дин нигезләрен белмәгән яшьләрнең экстремистик пропаганда ятьмәсенә эләгеп, радикальләшү тенденциясе баруын да ассызыкладылар. Аларны бу афәттән коткару, туры юлга, ягъни традицион ислам күрсәткән юлга бастыруда имамнардан нәтиҗәле эш таләп ителә.