Яшел Үзәндә эшсезләр саны кимегән

Яшел Үзәндә 515 кешегә эшсез дигән статус бирелгән. Бу Яшел Үзән районында эшсезләрнең гомуми санының 60 проценты. 2013 елда рәсми рәвештә 1954 кеше эшсез буларак теркәлгән. 2013 елның декабрендә ел башында теркәлгән эшсезләр белән чагыштырганда 29 процентка кимегән, бу - 868 кеше.

Халыкны эш белән тәэмин итү үзәге хезмәткәрләре белдергәнчә, Яшел Үзән предприятие-оешмаларына автомобиль йөртүче, слесарь-механик, табиб, аш пешерүче, балта остасы кебек һөнәр ияләре җитешми. Аларны Яшел Үзән суднолар төзү заводында, ПОЗиСта, үзәк район дәваханәсендә, "Дом Строй+" ширкәтендә көтәләр.