Яшел Үзән журналистлары барыгызны да, 27 май көнне кичке сәгать 5кә “Маяк”ка, үзләренең “МирСМИмай” фестиваленә чакыра

1. Нәрсә соң ул "МирСМИмай"?

"МирСМИмай" Travel - фестивале 2014 елдан бирле һәр елның май аенда "Зеленый дол" телекомпаниясе һәм "Зеленодольская правда", "Наш Зеленый Дол", "Яшел Үзән" газеталары тарафыннан уздырыла.

Исеме "Мир. Труд. Май" әйтеменнән туды. СМИ маевкасын редакцияләрнең журналистлары ("Пичәт көне" профессионал бәйрәмнәрен майда билгеләп үтүчеләр) зур шәһәр фестиваленә әйләндерде.

2. Нигә "Travel"?

Инглиз теленнән - "сәяхәт итү, ил гизү"не аңлата. Уникаль җирле брендлар турында массакүләм мәгълүмат чаралары (ММЧ) аша сөйләү - фестивальнең максаты булып тора.

• "Мир" (Дөнья) ул - илебез һәм гомумән, дөньяда яшәүчеләрне безнең кабатланмас Яшел Үзәнебезгә чакыру;
• "СМИ"(ММЧ) - үз регионыбызның матурлыгы турында журналистлардан да шәбрәк тагын кем сөйләр икән;
• "Май" - җәйге туризм чоры башы.

3. Кайда узачак?

Безнең уңайлы, гүзәл яшел шәһәребез искиткеч урманнар белән уратылып, Идел елгасы ярына утыра. Travel - фестивален без биредә яшәүчеләр өчен дә, килгән кунаклар өчен дә бик җайлы урында - "Маяк" спорт комплексында уздырабыз. Ул шәһәр үзәгеннән ун минутлык ераклыкта наратлыкта урнашкан. Биредә кунак йорты, тренажер залы, күпчакрымлы асфальт җәелгән чаңгыроллер трассасы бар. Җәй көне ул йөрү һәм җитди ярышлар өчен кулланыла.

"Маяк" комплексы "МирСМИмай" фестиваленә барлык телүчеләрне җыярга мөмкинлек бирә (5 меңгә якын кеше сыя). Төрле зоналар һәр кешенең зәвыгын канәгатьләндерәчәк (гаилә белән ял, спортсменнар өчен ярышлар, концерт мәйданчыгы).

Без үзебезнең даими укучыларыбызны гына түгел, барлык яшел үзәнлеләрне һәм кунакларны да чакырабыз.

4. Кызыклы ниләр булачак?

Мәйданның барлык уен нокталары ике бәйләүче өлештән гыйбарәт: ММЧ һәм туризм.

Һәрбер нокта өчен, ел буе махсус теманы актив яктырткан журналист җавап тота.

Зур сәхнәдә "Безнекеләрне бел!" гала - концерты: Яшел Үзәннең җыр һәм бию коллективлары чыгыш ясыячак. Фестивальдән репортажлар барачак. Фото һәм видео материаллар онлайн - трансляция режимында "Новости Зеленодольска" сайтына куелып барачак.

• "Уеннар иленә юллама"("Виза в страну игр"): аниматорлар балалар арасында ярышлар оештыра;
• "Могҗизалы кемпинг"("Чудо - кемпинг"): иң нәниләр белән мастер - класс өчен палатка - өйчекләр;
• "Киләчәккә билет"("Билет в будущее"): студентларга стройотряд формалары тапшыру;
• "Текә маршрут"("Крутой маршрут"): профессионал туристлар арасында бәйге;
• "Музейлар буенча гид"("Гид по музеям"): Яшел Үзән, Свияжск, Раифа музейларыннан экспозицияләр күргәзмәсе;
• "Тәмле рубрика"("Вкусная рубрика"): милли кухня;
• "Поэзиягә сәяхәт"("Путишествие в Поэзию"): Яшел Үзән шагыйрьләре үзләренең иҗатларын укыйлар;
• "Рәссам өчен чартер"("Чартер для художника"): профессионаллар сезнең портретыгызны ясый;
• "Туристик агент элемтәдә"("На связи турагент"): турларга заказ, консультация;
• "ПРЕСС ясыйбыз"("Качаем ПРЕССу"): "Матур"дан физкультзарядка;
• "Спорт эфиры"("Спортивный эфир"): көрәш һәм авыр атлетика;
• "Яшел коридор"("Зеленый коридор"): футбол һәм баскетбол ярышлары;
• "Беренче полоса"("Первая полоса"): велотриал;
• "Патшаларча алым"("Королевский прием"): шахмат буенча блиц - турнир;
• "Этле ханым"("Дама с собачкой"): выставка собак;
• "ГАЗетага бас"("Жми на ГАЗету"): гәзит - журналларга язылу.

5. "МирСМИмай" фестиваленә килүчеләрне нинди сюрприз көтә?

Бүләкләр күп булачак. Ә безнең гәзитләргә язылган кемдер яңа велосипедлы булачак!!!

БАРЫГЫЗНЫ ДА 27 МАЙ КӨННЕ 17:00 СӘГАТЬТӘ "МАЯК"ТА КӨТӘБЕЗ