Яшел Үзән муниципаль районы башкарма комитеты җитәкчесе итеп А.В.Тыгин сайланды

Кичә Яшел Үзән муниципаль районы һәм Яшел Үзән шәһәре Советы сессияләре булды. Сессия эшендә ТР Дәүләт Советы җитәкчесе Фәрит Мөхәммәтшин катнашты. Депутатлар Яшел Үзән муниципаль районының 2013 елга бюджет проектын тикшерде. Шулай ук сессиядә Яшел Үзән башкарма комитеты җитәкчесе итеп Александр Васильевич Тыгин кандидатурасы расланды. Сергей Леонидович Батин башка эшкә күчерелү сәбәпле, Яшел Үзән муниципаль районы башлыгы һәм депутатлар Советы рәисе вазифаларыннан азат ителде. Совет рәисе вазифаларын башкару Венера Рәхимҗан кызы Шәймәрдановага йөкләнде.