Яшь галим

Казан федераль университетта Татарстанның иң яхшы яшь галимнәрен котладылар. Бүләкләнүчеләр арасында Икътисад, идарә итү һәм хокук институтының Яшел Үзән бүлеге җитәкчесе Руслан Мансуров та бар.
Бәйгенең «Табигый фәннәр өлкәсендә иң яхшы яшь галим», «Инженер-техник фәннәр өлкәсендә иң яхшы яшь галим», «Социогуманитар фәннәр өлкәсендә иң яхшы яшь галим» номинацияләрендә ел саен 35 яшькә кадәрге фәнни хезмәткәрләр, укытучылар һәм аспирантлар катнаша. Руслан Мансуров бәйгенең «Социогуманитар фәннәр өлкәсендә иң яхшы яшь галим» номинациясендә җиңүче дип таныла. Жюри хөкеменә ул 9 монография, 25 мәкалә һәм фәнни эшчәнлек белән шөгыльләнүе турында анкета тапшыра.