Яшел Үзән

Түбә хакы – 8 миллион сум

Яшел Үзән балалар йорты турында белмәүчеләр сирәк. Ятим һәм, әти-әнисе исән булып та, ялгызлыкка дучар булган балаларны тәрбияләү һәм аларны эшкә өйрәтүне, тормышта үз юлларын табарга булышуны үзенең төп кыйбласы итеп билгеләгән балалар йорты бүген үзе ярдәмгә мохтаҗ. Балалар йортының түбәсеннән су үтә. Торак бинаның түбәсен капиталь ремонтлау өчен 8...

Яшел Үзән балалар йорты турында белмәүчеләр сирәк. Ятим һәм, әти-әнисе исән булып та, ялгызлыкка дучар булган балаларны тәрбияләү һәм аларны эшкә өйрәтүне, тормышта үз юлларын табарга булышуны үзенең төп кыйбласы итеп билгеләгән балалар йорты бүген үзе ярдәмгә мохтаҗ. Балалар йортының түбәсеннән су үтә. Торак бинаның түбәсен капиталь ремонтлау өчен 8 миллион сум акча кирәк.
- Балалар йорты бинасына ел саен нинди дә булса ремонт ясала, - дип сөйли «Яшел Үзән балалар йорты» дәүләт мәгариф учреждениесе директоры Сания Киселева. - Йорт түбәсенең күренеп торган тишек-тошыкларына ел саен диярлек ямау салабыз, ләкин яңгыр, кар суы юлын таба, бөтенләй көтмәгән җирдән үтеп кереп, түшәмнән тамчылап тама башлый. 2007 елда Казанның «Литали» ширкәте, түбәне ремонтлаган өчен миллион сум акча тоттык, бүтән су үтәргә тиеш түгел дип ышандырган иде. Түбәдән янә су үтә башлагач, ремонт эшләре белән шөгыльләнгән әлеге фирманың банкротлыкка чыгуы һәм бөтенләй ябылуы мәгълүм булды. Үзенең эшен намус белән башкармаган фирмага дәгъва белдереп, арбитраж судка мөрәҗәгать иттек. Тик әлегә нәтиҗәсе генә юк.
Җитәкче әйтүенә караганда, балалар йорты бинасына соңгы 13 елда капиталь ремонт ясалмаган, шулай да бинаның фасады, эчке өлеше ярыйсы гына әйбәт. Тик тигез итеп акшарланган, төрле якты төсләргә буялган диварлар буйлап, урамда кыш булуга карамастан, су саркып тора. Бинаның икенче каты бигрәк тә ямьсез һәм куркыныч: урыны-урыны белән штукатурка купкан, диварлар каралган. Икенче катта коридорда түшәмдә җыелган су балаларга быел Яңа ел бәйрәменә спонсорлар бүләк иткән ледянкаларга тама. Ләгәннәр дә тезелеп тора идәндә. Стеналар юеш. Урыны-урыны белән, идәнгә су җыелып, күлләвек хасил иткән. Беренче катта бусагаларга салынган чүпрәкләр дә юешләнеп беткән. Түбәдән ел әйләнәсендә су үтеп торгач, бинаның эчке өлешенә ремонт ясау-ясамауның файдасы аз. Иң беренче чиратта, түбәне ремонтларга иде, ди балалар йортында эшләүчеләр.
- Озак вакыт су эчендә яткан электрүткәргечләре, череп, яраксыз хәлгә килеп, кыска ялганыштан ут чыгу куркынычын көчәйтә, - дип сүзен дәвам итә җитәкче, - күңелсез хәлгә юл куймас өчен, икенче каттагы выключательне бөтенләй алып ташларга туры килде. Хәвеф-хәтәр булмасын өчен, икенче катта утны болай да сүндереп торабыз. Иртәгә безне тагын тикшерергә киләләр, утны бөтенләй өзеп куймасалар ярар иде дип, бик тә борчылып көтәбез. Бинага, аерым алганда, кухняга газ, гомумән, кертелмәгән, шуңа күрә ут, электр энергиясе - безнең өчен иң кирәкле нәрсә.
Мәгариф учреждениеләрен капиталь ремонтлау планына ярашлы рәвештә, районда 3 гомумбелем мәктәбенә узган елда ремонт ясалган иде, быел да бу эш дәвам итә, әмма Яшел Үзән балалар йорты бу исемлектә юк. Киләсе ел планына кертелгән ул. Тик балалар йортының түбәсен быел, даими рәвештә су агудан түбә ишелеп төшеп, бәла-каза чыкканчы ремонтларга кирәк.
Әлифел ТАРАЗОВА

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 38 человек
  • Яшел Үзән – Җиңү язы һәркем күңеленә яшәү дәрте, рухи көч өсти
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • 8 мая 2018 - 10:44
    Сатам Авылда йорт сатам.
  • 8 мая 2018 - 10:27
    Сатам ЖБИ-кольца, брусчатка заводского производства.
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 19 мая 2018 - 08:02
    ЧӘЧҮ БЫЕЛ АВЫР БАРА Аграр ел, уңыш җыеп алу белән көзен тәмамлана һәм кырларга беренче трактор керерлек булгач, язын кабат башлана.
    224
    0
    0
  • 18 мая 2018 - 07:21
    "Иң яхшы ишегалды" җәйге фотоконкурс старт ала Үзегезнең өй яны тирәсеннән фотоларыгызны җибәрегез.
    206
    0
    1
  • 21 мая 2018 - 08:35
    Яшел Үзәндә Сабан туе кайчан була? Татар халкының милли сабан туе Яшел Үзәндә 16 июньдә уздырылачак.
    139
    0
    0
  • 19 мая 2018 - 15:05
    Рәхмәт хаты Бакырчы авылында туып, хәзерге вакытта шушы авылда яшәүче, кадерле туганым, укытучым Рәхимулла кызы Рәйханә апа Зәйнуллинаның яңа гына табадан төшкән «Мин көзләргә гашыйк» һәм «Бакырчымда таңнар ата» дигән китапларын укып чыктым.
    118
    0
    1
  • 19 мая 2018 - 13:59
    Күчмә Кубок кемнәр кулында? Бөтендөнья бию көне уңаеннан Норлат мәдәният йортында зур бию бәйрәме булды: 23 авыл Күчмә кубокны алу өчен көч сынашты.
    108
    0
    0
  • 21 мая 2018 - 09:24
    Эш урыннарын бушаттылар ЯҮМР депутатлары сессиясендә Яшел Үзән муниципаль район башлыгы урынбасары Фоат Шәмсиевнең үз теләге белән эшеннән китүе билгеле булды.
    99
    0
    1
  • 19 мая 2018 - 18:36
    Ачыктан-ачык: Илназ Гариповка әти булырга тәкъдим ясаганнар Популяр җырчы Илназ Гарипов белән соңгы арада әллә нинди хәлләр булып тора. Төрмәдә дә утырып чыкты, концертына памперслар да алып килделәр.
    97
    0
    0
  • 19 мая 2018 - 17:21
    «Хәзер ботымны кисеп бирәм!» дигәч, әнине кочып еладык Миңа 10 яшь. Кояшлы матур җәйге көн. Бөтен кеше бәйрәмгә, Сабан туена әзерләнә. Без, балалар да, матур күлмәкләр, яулыкларны хәзерлибез. Кинәт коточкыч хәбәр – сугыш. Аяз көнне яшен суккандай булды. Аптырау, елау... Менә шуннан башланды мәхшәр.
    96
    0
    1
Ночной режим