Шлем барысына да хуҗа

Мотоцикл, мопед һәм скутер йөртүчеләр арасында травматизмны кисәтү максатыннан чыгып, Россия эчке эшләр министрлыгы 29 июльдән 15 сентябрьгә кадәр «Шлем барысына да хуҗа» дип аталган социаль проект уздыра.
Җәйге чорда мототехника йөртүчеләр арасында активлык көчәя. Шуңа ярашлы рәвештә юлларда имгәнүчеләр дә арта. ТРда бу елның 7 аенда мототранспорт катнашында 207 ДТП чыккан. 21 кешенең гомере өзелеп, 228е имгәнгән. Ә Яшел Үзәндә, ЮХИДИ җитәкчесе Рәүф Галиев сүзләренә караганда, 7 ДТП чыгып, 1 кеше һәлак булган, ә 8е имгәнүләр алган. Алар нигездә мототехниканың югары динамик характеристикасына, йөртүчеләренең һәм пассажирларының начар сакланышына, әйтик шлемсыз булуына бәйле. Әлеге темага кагылышлы язманы газетаның киләсе саннарының берсендә укырга мөмкин булыр.