Яшел Үзән

САЙЛАП АЛЫЙМ ДИСӘҢ, ЯРМИНКӘГӘ БАР!

Узган шимбә һәрьяктан да уңайлы килде. Кояшлы аяз көн һәркемгә уйлаганын эшләргә мөмкинлек бирде. Бакчада бетмәгән эшләре булганнарга - аларны төгәлләргә, кышны кайгыртканнарга - бәрәңгесен, кәбестәсен, кишерен, ярминкәдә күпләп алып, базга салып куярга мөмкин иде. Ильяс САЛИХҖАН Яшел Үзәндә көзге ярминкәләр шимбә көнне иртүк башланып китте. Шәһәр кешесенә район авылларында...


Узган шимбә һәрьяктан да уңайлы килде. Кояшлы аяз көн һәркемгә уйлаганын эшләргә мөмкинлек бирде. Бакчада бетмәгән эшләре булганнарга - аларны төгәлләргә, кышны кайгыртканнарга - бәрәңгесен, кәбестәсен, кишерен, ярминкәдә күпләп алып, базга салып куярга мөмкин иде.

Ильяс САЛИХҖАН

Яшел Үзәндә көзге ярминкәләр шимбә көнне иртүк башланып китте. Шәһәр кешесенә район авылларында җитештерелгән продукция: ите, мае, сөте һәм күп төрле яшелчә тәкъдим ителде. Уңайлы булсын өчен сәүдә ике урында: үзәктә - «Табигать хәзинәләре», Мирный бистәсендә «Сәүдә ишегалды» базарларында оештырылды.
Кеше ихтыяҗын канәгатьләндерергә тырышты инде авыл хезмәтчәннәре. Сату итү оешкан төстә, тәртипле барды. Районның авыл хуҗалыгы һәм азык-төлек идарәсе күп көч куйды моның өчен. Алдан әзерләнү белән бергә шимбә көнне дә актив катнашты идарә белгечләре: авылдан килүче машиналарны каршы алып, аларны билгеләнгән урынга китерделәр. Идарә җитәкчесе урынбасары Вильям Хәмитов беркемне дә игътибарсыз калдырмады. Кайсы хуҗалыкның кайда төпләнүен аннан белеп алгач, без иң ерактан килеп җиткән «Күгәй» күмәк хуҗалыгы машинасы янына бардык. Алар сәүдә итә башлаганннар иде инде. Бодай алып килгәннәр икән, аны килосын 7 сумнан саталар. Ни гаҗәп, шәһәр кешесе чират торып ала иде ашлыкны. Менә өч капчык үлчәтте бер апа, ул Гәр авылында яши һәм кәҗә асрый икән. Менә берсе ике генә капчык сорады, анысы күгәрченнәр тота икән... Күгәй машинасы янында Олы Якедән килгән Тәлгать Гайнетдиновлар гаиләсе сату итә иде. Алар ярминкәгә бәрәңге, кәбестә, кишер, суган китергәннәр. Яшелчәне Гайнетдиновлар 3 гектар җирдә үстерә икән. Быел мулдан булган уңышлары. Үзләренең тагын биш баш сыер һәм күркәләр асравын да әйтте хуҗа. Көннәр суыткач, сатуга сыйфатлы кош итен дә китерәчәкләр... Без алар белән сөйләшеп алгач, читтәрәк кеше төркеме күреп шул машина янына бардык. Баксаң, анда «Алан» ширкәте авылдан бәрәңге алып килгән һәм шуны пешереп теләгән кешегә ашап карарга да тәкъдим итә иде. Сата да белергә кирәк шул. Билгеле, өлгер ширкәтнең ярмалы бәрәңгесен авыз итеп карагач, кеше шунда ук килосын 9 сумнан саткан «Алан» машинасы янына чиратка басты...
Ярминкәдә халык ишле булды. Күңелле барды сәүдә. Куанмый мөмкин түгел: ни теләсәң, шул бар, күпме теләсәң, шулкадәрле алырга була иде бит анда. Ярминкәләр киләсе ял көннәрендә дә булачак. Көзге ярминкәләрне дәүләт оештыра һәм анда катнашкан хуҗалыкларның ярминкәгә бәйле чыгымнарын каплау турында министрлар кабинетының 1580-р санлы боерык чыгаруын да әйтсәк урынлы булыр дип уйлыйбыз.

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 38 человек
  • Яшел Үзән – Җиңү язы һәркем күңеленә яшәү дәрте, рухи көч өсти
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • 8 мая 2018 - 10:44
    Сатам Авылда йорт сатам.
  • 8 мая 2018 - 10:27
    Сатам ЖБИ-кольца, брусчатка заводского производства.
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 19 мая 2018 - 08:02
    ЧӘЧҮ БЫЕЛ АВЫР БАРА Аграр ел, уңыш җыеп алу белән көзен тәмамлана һәм кырларга беренче трактор керерлек булгач, язын кабат башлана.
    237
    0
    0
  • 21 мая 2018 - 08:35
    Яшел Үзәндә Сабан туе кайчан була? Татар халкының милли сабан туе Яшел Үзәндә 16 июньдә уздырылачак.
    190
    0
    0
  • 21 мая 2018 - 09:24
    Эш урыннарын бушаттылар ЯҮМР депутатлары сессиясендә Яшел Үзән муниципаль район башлыгы урынбасары Фоат Шәмсиевнең үз теләге белән эшеннән китүе билгеле булды.
    133
    0
    1
  • 19 мая 2018 - 15:05
    Рәхмәт хаты Бакырчы авылында туып, хәзерге вакытта шушы авылда яшәүче, кадерле туганым, укытучым Рәхимулла кызы Рәйханә апа Зәйнуллинаның яңа гына табадан төшкән «Мин көзләргә гашыйк» һәм «Бакырчымда таңнар ата» дигән китапларын укып чыктым.
    128
    0
    1
  • 19 мая 2018 - 13:59
    Күчмә Кубок кемнәр кулында? Бөтендөнья бию көне уңаеннан Норлат мәдәният йортында зур бию бәйрәме булды: 23 авыл Күчмә кубокны алу өчен көч сынашты.
    115
    0
    0
  • 19 мая 2018 - 09:34
    БДИны Идел аръягы мәктәбе укучылары Яшел Үзәндә тапшыра Әле генә башланган иде, уку елы кабат ахырына якынлаша. Димәк, бердәм дәүләт имтиханнарын тапшырырга да күп калмады. Укучылар, укытучылар, әти-әниләр өчен бик дулкынландыргыч һәм җаваплы чор җитә.
    111
    0
    0
  • 19 мая 2018 - 18:36
    Ачыктан-ачык: Илназ Гариповка әти булырга тәкъдим ясаганнар Популяр җырчы Илназ Гарипов белән соңгы арада әллә нинди хәлләр булып тора. Төрмәдә дә утырып чыкты, концертына памперслар да алып килделәр.
    104
    0
    0
  • 19 мая 2018 - 17:21
    «Хәзер ботымны кисеп бирәм!» дигәч, әнине кочып еладык Миңа 10 яшь. Кояшлы матур җәйге көн. Бөтен кеше бәйрәмгә, Сабан туена әзерләнә. Без, балалар да, матур күлмәкләр, яулыкларны хәзерлибез. Кинәт коточкыч хәбәр – сугыш. Аяз көнне яшен суккандай булды. Аптырау, елау... Менә шуннан башланды мәхшәр.
    102
    0
    1
Ночной режим