Сабан туе тәкәсе

Яшел Үзән сабан туе батырына биреләчәк тәкә сайлап алынды.
Татарча көрәш һәм шул ярышта җиңгән асыл егеткә тәкә бирү гадәте - Сабан туе дип аталган милли бәйрәмебезнең үзәк вакыйгасы. Батырына күрә бүләге дигәндәй, быелгы тәкә дә, узган елгысы кебек үк эре токымнан, авырлыгы да 80 килограммнан ким булмас. Аны Бишнә авылы җирлеге башлыгы Илгиз Фәтхуллин үзенең шәхси хуҗалыгында үстергән. Белеме буенча зоотехник булгач, үз хуҗалыгында да эшне белеп оештырган икән башлык.