Республика буенча безнекеләр өченче

13 сентябрьдә Казанда штаттан тыш авария-коткару оешмаларының республика ярышлары булды.
Анда республиканың 8 шәһәреннән 24 команда катнашты. Нәтиҗәләр монда да яшел үзәнлеләр өчен куанычлы. ЗПКБның санитар дружинасы анда IV урын алса, «ПОЗИС»ның эзләнү төркеме һәм ЗРУЭС элемтәчеләре - III урында. Тулаем алганда, Яшел Үзәннең берләштерелгән командасы бу мәртәбәле ярышта дәрәҗәле III урында. Шул уңайдан, ТРның МЧС министры Яшел Үзән муниципаль районы башлыгы Александр Тыгинга үзенең грамотасын да юллый.