Прокурорларның халыкара ассоциациясе конференциясе үтте

Быел ул 18нче тапкыр үткәрелде һәм аның эшендә Татарстан Республикасы прокуроры, икенче класслы юстиция дәүләт советнигы Кафил Әмиров та катнашты.
Прокурорларның халыкара ассоциациясе дөньяның 150 дәүләтенең 250 мең прокурорын берләштерә.
Быел Мәскәүдә узган конференция эшендә 90 илдән 800 прокурор катнашты. Алар арасында АКШ, Австралия, Канада, Германия, Кытай, Япония, Норвегия һәм башка бик күп илләрнең хокук сакчылары бар.
Конференциядә уналты ике яклы очрашуларда күп кенә килешүләр төзелде һәм Меморандумнарга кул куелды.