«Әнием – күз нурым»

Хөрмәтле газета укучылар! Күрәсездер, газета сайты үзенең эшен тагын да җанландырып җибәрде. Фотоконкурсларны ай саен үткәрергә булдык. Чираттагысы, Аналар көненә багышлап, «Әнием - күз нурым» дип атала. Газетаның электрон адресына газиз әниләребезнең фотоларын җибәрегез.
Гади паспорт фотосы гына булмасын иде ул. Әниегез, энегезне матур җырлар белән йоклатып, бишек янында басып торамы, әллә сезгә җылы оекбашлар бәйләп утырамы. Бәлки сез аны тырышып-тырышып кишер чүбе утаганда яки табын янында тәмле аш бүлгәндә фотога төшереп алгансыздыр?! Бәлки, әле, күңелле мәҗлестә яшьләргә изге теләкләрен юллыйдыр. Кыскасы, иң оригиналь, иң матур фото җибәрүчене бүләк көтә. Башладык!
Газетаның электрон адресы: yashel_uzen@mail.ru.