Мәйданчыклар куела башлады

Районда октябрь урталарында 6 заманча спорт мәйданчыклары куелачак. Аларны куюга акчаны республика, зеленодоллыларның «Казан-Арена» стадионы төзелешендә актив эшләгәне өчен, бонус буларак бүлеп бирде.
Өч спорт зонасыннан торган ике мәйданчык шәһәрнең Төзүчеләр проспектында, Васильевода һәм районның тагын дүрт торак пунктында: Карамалы Тауда, Норлатта, Осиновода һәм Зур Ключидә куелачак. Шуларның икесендә эш башланды инде.
- Бүгенге көндә Зур Ключидә әзерлек эшләрен башладык, вак таш җәябез. Васильево шәһәр тибындагы бистәдә планировка эшләре төгәлләнде, - диде ЗМРның «Техник күзәтчелек хезмәте» МУП директоры Рамил Зиннуров.