Мотокросс – кыюлар уены

26 августта Яшел Үзән мототрассасында мотокросс буенча Яшел Үзәннең 80 еллыгына багышланган Татарстан Республикасы ачык чемпионатының өченче этабы булып узды. Анда Казан, Йошкар-Ола, Түбән Новгород, Малмыж, Киров, Яшел Үзән, Чабаксар, Алабуга, Ижау һәм башка бик күп шәһәрдән 60лап кеше катнашты.
Җиңүчеләр арасында яшел үзәнлеләр дә бар. «Мастер» балалар-яшүсмерләр спорт мәктәбеннән Паренков Олег, Осипов Роман, Волосатов Александр 125нче класс буенча алдагы өч урынны бүлеште. Бу класста аларга тиңнәр булмады.