Мәктәптә лагерь

Кышкы каникул көннәрендә шәһәр һәм район мәктәпләрендә балалар өчен 800 урынга исәпләнгән кышкы лагерьлар эшлиячәк. Лагерьга нигездә әти-әнисе эштә булган малайлар һәм кызлар йөри, ди тәрбияче-укытучылар.
15нче мәктәп - 70, 9нчы лицей - 80, Осиново лицее 60 баланы кабул итәргә әзерләнә. Балалар өчен лагерьлар каникуллар башлануга - 28 декабрьдә үк эшли башлый. Лагерьга йөрүче балалар чаңгы, чана шуу белән беррәттән, китапханәләргә, мәдәният сарайларына экскурсия кылачак. Шулай ук кызыклы шәхесләр белән очрашулар да көтелә.
Мәктәпләрдә лагерьлар, алдан планлаштырылган карарга ярашлы рәвештә, 7 көн эшләргә тиеш.