Мәктәп коймасы белән баемакчы булган

Узган елның ноябрендә Фазылҗанов үзенең эш урыныннан файдаланып, Норлат мәктәбе коймасының 52050 сумлык бер өлешен урлап, Албаба станциясендә урнашкан тимер-томыр җыю пунктына тапшырырга уйлаган. Полициянең Норлат бүлеге хезмәткәрләре Фазылҗановның кулыннан тота һәм урланган милек иясенә кайтарыла. Фазылҗанов гаебен таный һәм башка андый законга каршы килүче гамәлләр кылмаска ант сулары эчә. Шуңа да карамастан, Яшел Үзән суды аңа 7 мең штраф салды, дип хәбәр итә Яшел Үзән шәһәр прокуроры ярдәмчесе Риназ Калаков.