Мәхмүт Хәсәновны искә алу кичәсе

Яшел Үзәннең 1нче лицеенда 25 декабрьдә язучы, драматург, публицист, Габдулла Тукай исемендәге Дәүләт бүләге лауреаты Мәхмүт Хәсәновны искә алу кичәсе булып узды. Исән булган булса, Мәхмүт Хәсәновка 21 декабрьдә 85 яшь тулган булыр иде.
Мәктәп укучылары язучының әсәрләреннән өзекләр укыды, укытучылар исә, аерым өзекләрне сәхнәләштереп, кунаклар игътибарына тәкъдим итте.
Язучыны искә алу кичәсендә Казаннан килгән татар язучылары, Яшел Үзәннең «Тукай» фонды рәисе Клара Филиппова, танылган журналист Александр Филиппов, язучының хатыны Мәрьям Хәсәнова катнашты. Бу хакта тулырак язманы "Яшел Үзән" газетасында укырга мөмкин.