М-7 автотрассасында әбәткә заказ бирергә мөмкин булачак

Татарстан кулланучылар кооперациясе хезмәткәрләре шундый карарга килде. М-7 трассасында ризык төягән снегоходлар чыгачак. Бу турыда Татарстан кулланучылар җәмгыятьләре хезмәткәрләренең еллык киңәшмәсендә "Татарстан кулланучылар берлеге" рәисе Мәхмүт Фәттахов белдерде. Аның сүзләренә караганда, бу мәсьәлә ТР Авыл хуҗалыгы һәм азык-төлек министрлыгында тикшерелгән. Аннары ТР Министрлар Кабинетында яклау тапкан. Снегоходларны сатып алу белән проблемалар чыкмас, ди рәис. Шуңа күрә "Татарстан кулланучылар берлеге" эшчәнлекнең яңа төре белән рәхәтләнеп шөгыльләнә ала. Иртәнге һәм көндезге ашка автомобиль йөртүчеләр генә түгел, автобус пассажирлары да заказ бирә алачак.