Корал исәбен алучылар көне

12 февральдә эчке эшләр бүлегенең лицензия - рөхсәт эше бүлекчәсе (ЛРР) үзенең һөнәри бәйрәмен - оешуының 44 еллыгын билгеләде.
4нче бүлек 1969 елда оешкан. Оешканнан алып шушы көнгә кадәр ЛРР хезмәткәрләре үз бурычларын намус белән үти. Алар нигездә сугыш коралларын законсыз әйләнештән алу, корал кулланып кылына торган җинаятьләрне кисәтү, корал әйләнеше өлкәсендә хокук бозуларны булдырмау, рөхсәт ителгән система объектларында һәм гражданнар куллана торган коралның электрон исәбен алу кебек хезмәтләрне башкара.