Контрактниклар, сезнең өчен

Идел буе федераль университеты РФ Кораллы Көчләре сафында контракт буенча өч ел хезмәт иткән егетләрне әзерлек курсларына кабул итә.
КФУның әзерлек курсларында университетка керү фәннәрен укыталар. Әзерлек курсын бетерүче уку йортына конкурстан тыш кабул ителә. Кабул итү планы 45 урын, 20 - көндезге, 25 читтән торып уку бүлегенә. Уку өчен федераль бюджеттан түләнә. Көндезге бүлектә укучыларга стипендия түләнә, читтән килүчеләргә тулай торактан урын бирелә. Документлар 2012 елның 28 сентябренә кадәр кабул ителә.