«Гражданин көне»

9 декабрьдә Россия Эчке эшләр министрлыгының Яшел Үзән бүлегендә «Гражданин көне» булып, анда 30 егет һәм кызга тантаналы рәвештә паспортлар тапшырылды.
Мактаулы кунаклар - РФ миграция хезмәте идарәсе бүлеге җитәкчесе вазифасын башкаручы Миләүшә Камалова һәм МВД ветераны Владимир Федюнин укучыларны котлап, уңышлар теләде, аларны илнең киләчәге дип атады. Чарада катнашучылар бүлек музеенда булды, хезмәт бурычын үтәгәндә һәлак булган хезмәткәрләрнең мемориаль тактасына чәчәк бәйләмнәре салды.