Гараж бикле дип тормыйлар

Узган атнада Яшел Үзән шәһәренең Сәйдәшев урамында яшәүче берәүнең Королев урамындагы "Песчаный карьер" гаражлар җәмгыятенә урнашкан гараҗына кереп "Lifan" маркалы скутерын, гермошлемын, 4 данә "Кама" тәгәрмәчләр комплектын урлап чыгып 48000 сум зыян китергәннәр. Полиция бүлеге хезмәткәрләре хәбәр иткәнчә, карак тотылган, ул 24 яшьлек элек тә хөкем ителгән шәһәр кешесе булып чыккан. Шул ук атнада шулай ук Украинская-Тургенев урамнары чатындагы гаражны да талаганнар: аннан 59000 сумлык милек юкка чыккан.