Сугышны солдатлар сайлап алмый, аларны вакыт сайлый
1979 елда улларын тыныч хәрби хезмәткә, Ватан каршында бурычларын үтәргә озаткан әти-әниләрнең күңелләренә шом салып, сугыш турында төрле хәбәрләр ишетелә. Озак көттерми, кайсыбер капкаларны кайгы хәбәре дә каерып керә – цинк табутлар кайта башлый. Бу хәлләрнең үз илебез тыныч торган заманда булуы тагын да аяныч.