Безнең укучылар сынатмас

Яшел Үзән КФУның сәләтле балалар белән эшләү буенча пилот проектларның берсенә әйләнде.
Мәгариф идарәсенең конференцияләр залында гомум белем бирү учреждение җитәкчеләре КФУның вузга кадәрге, гомуми һәм педагогик белем бирү буенча ректор киңәшчесе Людмила Нагуманова белән очрашты. Яшел Үзән районы Казан Федераль университеты тарафыннан сәләтле балалар программасы буенча эшләү өчен Татарстанның биш районының берсе буларак сайлап алынды. Әлеге проект буенча балалар бердәм дәүләт имтиханнарын уңышлы тапшыруга, фән олимпиадаларында, фәнни-гамәли конференцияләрдә һәм иҗади бәйгеләрдә катнашырга әзерләнәчәк.