Балыкка дип киткәннәр...

Татарстанда ике кеше суга батып үлде.
Кыш килергә дә өлгермәде, инде боз астына китеп һәлак булучылар бар. Аянычлы хәл Актаныш районында булган. Шимбә кичендә, куйган ятьмәләрен тикшерергә дип, ике балыкчы елгага керә. Юп-юка боз ике ирне күтәреп тора алмый һәм балык­чылар суга төшеп китә. Коткаручыларга аларның салкын гәүдәләрен генә табып алырга кала.
Безнең районда да Васильево янында Иделдән бер ир-ат гәүдәсен табып алалар. 72 яшьлек ир-атның ни сәбәпле батып үлгәнлеге әлегә билгесез.