Бакый Урманче урамы яңара

Быел Мирный микрорайонындагы Бакый Урманче һәм Сәйдәшев урамнары яңартылачак.
Бакый Урманче да, Сәйдәшев та - чагыштырмача яңа урамнар. «Социаль ипотека» программасы буенча әлеге урамнарда бик күп торак йортлар калкып чыкты һәм төзү-монтаж эшләре бүген дә дәвам итә. Төзү эшләре кызу темплар белән барганга күрә, авыр йөк машиналары йөрүдән урамнардагы асфальт җимерелеп беткән иде инде. Ниһаять, юлларга ремонт ясалырга тиеш. Дүшәмбе киңәшмәсендә мәгълүм булганча, ике урамны яңарту бәясе 75 миллион сум. Шулай ук Октябрьский бистәсеннән Васильевога кадәр бөтен нормативларга җавап бирердәй яңа асфальт юл салыначак.