Авыру кеше дә эшләргә хаклы

«Яшел Үзән психоневрология интернаты» дәүләт автоном социаль хезмәт күрсәтү учреждениесендә хәзерге вакытта 469 өлкән яшьтәге кеше һәм I, II группа инвалид яши, шуларның 304е - ир-ат.
Интернат директоры Лариса Ишелина дүшәмбе киңәшмәсендә әйтеп үткәнчә, авырулар, сәламәтлеге мактанырлык булмаса да, эшләргә теләк белдерә, әйтик, тегүче яисә урам себерүче булып. Интернатта яшәүче авыруларны, хәтта ул сәламәт дип табылса да, эш белән тәэмин итү үтә катлаулы мәсьәлә. Интернат җитәкчелеге юллавы буенча биредә яшәүче берничә кешене эшкә урнаштыру мөмкин булган һәм алар килешү буенча тәүлегенә 4 сәгать эшли һәм шуңа ярашлы рәвештә хезмәт хакы ала.