Авылларда чүп җыя башлыйлар

Норлат авылында Идел аръягы зонасында каты көнкүреш калдыкларын җыюга багышланган киңәшмә узды.
Мәсьәләнең бөтен катлаулыгы шунда: Идел аръягы зонасындагы авыллардан җыелган көнкүреш калдыкларын Зеленодол янындагы полигонга алып килергә кирәк, ә моның өчен Ключи зонасындагы авылларда яшәүчеләргә караганда кыйммәтрәк түләргә кирәк булачак. Хәзер тарифларны килештерү эшләре бара. Киңәшмәдә күтәрелгән тагын бер мәсьәлә - контейнерлар өчен яңа мәйданчыклар төзү һәм чүп түгү маршрутын раслау. «Норлат МПП ЖКХсы» МУП өчен КамАз автомобиле базасында яңа чүп түгү автомобилен сатып алынуы турында хәбәр киңәшмәдә катнашучылар өчен яхшы яңалык иде.