Алмаз – беренче

12 гыйнвар көнне Әтнә район үзәгендә легендар көрәшче Бәрәз Хафиз призына милли көрәш буенча ярышлар узды.
Әлеге мәртәбәле ярышларда, Яшел Үзәннең балалар-яшүсмерләр спорт мәктәбендә шөгыльләнүче яшүсмерләр дә катнашып, район данын яклады. 65 килограмм авырлыкта Әхмәтҗанов Алмаз лаеклы рәвештә I урынны яулады. Жюри Алмазны иң яхшы көрәш алымын күрсәтүче көрәшче буларак та билгеләде. Ярышларда Салаватов Айнур, Ганиев Булат та катнашты. Бу егетләр, көндәшләреннән 4 яшькә кечерәк булуга карамастан, көрәш белән җитди шөгыльләнүләрен раслап, ярышта IV-V урынны алды.