Актанышта тәҗрибә уртаклашу

Район авыл хуҗалыгы һәм азык-төлек идарәсе белгечләре, районның авыл җирлеге башлыклары Актанышта үткәрелгән республика семинар-киңәшмәсендә катнашты.
Ул авыл хезмәткәрләренең 2012 елның беренче ярты еллык эшчәнлегенә нәтиҗә ясау һәм урып-җыюга әзерләнү мәсьәләләренә багышланды.
Билгеле булганча, Актаныш районы - авыл хуҗалыгы тармагы буенча иң алдынгы районнарның берсе. Мисалга, узган ел анда бөртеклеләрнең һәр гектарыннан 45,3 центнер уңыш җыеп алганнар. Авылда эшләрен оештырган фермерлар саны да 68гә җиткән ул якта. Әлеге җыен кысаларында актанышлылар тәҗрибәсен өйрәнергә, алар белән киңәш-табыш итәргә мөмкин булды.