45 ел бергә

Яшел Үзән ЗАГСында Хикмәтуллиннар гаиләсен котладылар. 45 ел бергә тату гомер кичергән гаиләгә «Мәхәббәт һәм тугрылык» медале тапшырылды.
Шәһәребездә бик күпләргә таныш бу гаилә. Низам кызы Вафилә апа 55 ел укытучы булып эшләп, «Татарстан Республикасының атказанган укытучысы» исемен алган. Бүгенге көндә, дини белем алып, мәдрәсәдә мөгаллимә булып эшли. Закир улы Хамис абый 40 елдан артык Татарстан прокуратурасы системасында хезмәт куя. Балалары җылы котлау сүзләрен җиткерде. Район имам-мөхтәсибе Габделхәмит хәзрәт тә изге теләкләр әйтте.