Яшел Үзән

Кальмардан салат

Әлеге искиткеч салатны ясау өчен 4-5 кальмар, 2-3 тырнак сарымсак , 15-20 данә әстерхан чикләвеге, 2 кисәк батон, 1/4 стакан көнбагыш мае алабыз.

 Кальмарларны чистартабыз да пешереп алабыз. Әйтик, аларны менә шул рәвешле пешерергә була: кайнап торган суга салабыз, шуңа лимон суы сыгабыз һәм лимон кисәге салабыз. Кайнау кергәч, сүндерәбез һәм суында суынырга калдырабыз. Пешкән кальмарларны саламлап турыйбыз. Ә әстерхан чикләвеге, сарымсак һәм бер-ике кисәк батонны иттарткыч аша чыгарабыз, үсемлек мае өстибез. Кальмарларыбызны тозлыйбыз һәм иттарткыч аша чыгарылган башка ингредиентлар белән бутыйбыз. Бик тәмле килеп чыга. Әзерләп куегыз. Үкенмәссез.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: