Яшел Үзән

Саклансаң, грипп белән авырмыйсың

Грипп - сезонлы кискен вирус авыруы. Авыру үзенең көтелмәгәнлеге белән куркыныч. Ел саен дөньяда грипп белән һәр 3-5нче бала һәм 5-10нчы өлкән кеше авырый. Әлеге куркыныч авыруны булдырмас өчен ничек сакланырга? Җавапны Яшел Үзән район үзәк дәваханәсе фельдшеры Наталья Лаптева бирә. Авыру ничек йога? Вирус тын юлларына эләгеп, эпителиаль күзәнәкләргә,...

Грипп - сезонлы кискен вирус авыруы. Авыру үзенең көтелмәгәнлеге белән куркыныч. Ел саен дөньяда грипп белән һәр 3-5нче бала һәм 5-10нчы өлкән кеше авырый.

Әлеге куркыныч авыруны булдырмас өчен ничек сакланырга? Җавапны Яшел Үзән район үзәк дәваханәсе фельдшеры Наталья Лаптева бирә.

Авыру ничек йога?
Вирус тын юлларына эләгеп, эпителиаль күзәнәкләргә, канга үтеп керә һәм интоксикация китереп чыгара. Шуның тәэсирендә башка төр бактерияләргә дә активлашырга шарт тудыра. Нәтиҗәдә төп авыруга пневмония, бронхит, отит өстәлә, хроник авырулар көчәеп китә, йөрәк һәм буыннарга тискәре тәэсир ясый.

Инфекция чыганагы кем?
Гриппның бердәнбер чыганагы - авыру кеше. Ул авыру кеше төчкергәндә, йөткергәндә, аның белән аралашканда йога. Вируслар авыру кеше тоткан шәхси гигие­на әйберләре һәм савыт-саба аша да йогарга мөмкин.

Грипп үзен ничек сиздерә?
Аның билгеләре бик тиз сизелә башлый. Гадәттә, кинәт башлана: температура күтәрелә, калтырану була, баш авырта һәм әйләнә, күзләр һәм тән авыр­та, күздән яшь ага. Коры ютәл, борын тыгылу берничә сәгатьтән соң сизелә. Боларга трахеит та кушыла. Грипп өлкән кешеләр, 5 яшькә кадәрге балалар, йөкле хатыннар, хроник авырулы кешеләр өчен бик куркыныч.

Авырсаң нишләргә?
Беренче билгеләре сизелүгә табибка мөрәҗәгать итәргә кирәк. Табиб кына грипп авыруын расларга мөмкин. Ятып торырга һәм табиб кушканнарны үтәргә кирәк. Үз-үзеңне дәвалау белән шөгыльләнергә ярамый. Вакытында медицина ярдәме сорап мөрәҗәгать итсәгез, шуның кадәр тизрәк терелергә дә була.

Үзеңне ничек сакларга?
Профилактика чаралары, беренче чиратта, организмның каршы торучанлыгын күтәрүгә юнәлтелә. Аның өчен физик культура белән шөгыльләнергә, организм­ны чыныктырырга, рациональ тукланырга, вакытында ял итәргә, бүлмәләрне җилләтеп, витаминлы комплекслар кабул итәргә, кулларны сабын белән юып торырга киңәш ителә. Грипп эпидемиясе вакытында кеше күп җыела торган урыннарга барудан тыелып торырга кирәк.
Гриппны кисәтүне иң әйбәт чарасы - вакцинация.
Ул эпидемия башланганчы - көз көне үткәрелә. Үз сәламәтлеге турында кайгырткан һәр кешегә вакцинация таләп ителә. Вакытында ясалган вакцинация грипп белән авыруны киметә. Гриппка каршы ясалган прививка миокард инфаркты, инсульт, бронхиаль астма, бронхит һәм башка авырулар килеп чыгуны кисәтә.

Ә сез ничек сакланасыз?
Сабира Мөлекова, Яшел Үзән:
- Грипп таралганлыгын ишетүгә үк мин, гадәттә, саклану чараларын күрә башлыйм. Күбрәк үз бакчабызда үскән сарымсак, суган, кызыл борыч ишеләргә өстенлек бирәм. Сарымсакны турап та куям, исен чыгарып, микробларны бетерсен дип. Хәзер мин, пенсиядә булгач, грипп вакытында кеше күп була торган урыннарга барудан тыелам. Аллаһка шөкер, соңгы ике елда авырганым булмады. Элегрәк, ел саен йоктырып, бик интегә торган идем.

Гөлчирә Мансурова, Васильево:
- Былтыр Яңа ел алдыннан, сизмичә дә калдым, грипп белән бик каты авырдым. Бер атна тора алмыйча температура белән ятарга туры килде. Аннан соң бер ай буе башым авыртып, әйләнеп йөрде. Авырып китсәң, дарулар да бик булышмый. Быел шуңа күрә алдан ук саклану чарасын күрдем, даруханәдән вируска каршы торучы дарулар сатып алып эчәм. Борын эчләрен, тамакларны иртә-кич юдыртып торам. Гаиләбез белән С витамины күп була торган цитрус һәм суыткычта катырылган үзебезнең бакча җимешләрен ашыйбыз. Прививка ясатмадым, тәкъдим итсәләр дә.

Нурия Саттарова, Яшел Үзән:
- Көз көне, гадәттә, эшкә килеп, прививка ясыйлар безгә, шуңа күрә мин грипп белән сирәк авырыйм. Балаларга да ясаттырам. Прививкага гына ышанып тормыйм, сакланабыз да. Сарымсак белән лимоннан төнәтмә ясап куеп, грипп вакытында аз-азлап эчәбез. Кышкы чорда ашау- эчүне дә яхшыртырга тырышам.

Нравится
Поделиться:
Реклама
Комментарии (0)
Реклама
  • 23 октября 2017 в 14:24
    Защити себя!
  • Сез үз тормышыгыз белән канәгатьме?
    Проголосовало 56 человек
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • Безнең кораблар Гарәп диңгезен иңли башлады
  • Маякта йозлэгэн казый жыелды. Нэрсэ булган???
  • МЕТЕОРда балалар өчен оештырылган ярыш
  • Юныс Сафиуллин белән очрашу кичәсе
  • 12 декабря 2017 в 14:51
    Прогресс – табигать законы
    Һәр яшел үзәнлене эш урынына һәм өйгә, поликлиника яки мәктәпкә, азык-төлек базарына, йә булмаса поездга вакытында алып барып җиткерү өчен иртә таңнан торып, төнгә кадәр эшләү – Яшел Үзән пассажир автотранспорты предприятиесе хезмәткәренең бурычы. Мактаулы юбилей көннәрендә, күңел бәйрәм сорый.
    70
    0
    1
  • 1 ноября 2017 в 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
  • 9 декабря 2017 в 18:07
    Соңарган әманәт Авылыбызның үткәне турында истәлекләр туплаганда күп кенә материалны Рабига апа Дәминовадан яздырып алган идек. Ул сугыш елында һәм соңрак та авыл Советы рәисе булып эшләгәнгә, авылның яшәешен, сулышын белгән кеше. Мәктәптәге очрашуларда аның төгәл көне-сәгате белән хәтерләп әйткән, сөйләгәннәре күз алдымда.
    304
    1
    3
  • 9 декабря 2017 в 20:22
    Әйдәгез, тормышны сайлыйк! Хәрәкәттә – бәрәкәт, диләр. Бу, чынлап та, шулайдыр. Дәү әниемнең сеңлесе 105 яшендә дөнья куйды. Шул орчык кадәр, катырак җил чыкса, очып китәрдәй карчыкның тик торганын хәтерләмим. 100 яшенә кадәр үзен-үзе карап, мунчасын ягып, тавыклар асрап яшәде. Сиксәненче дистәне ваклаучы кызын гел «утырма, йөр, йөрмәгәнгә авырта синең ул аякларың» дип тиргәр иде.
    218
    0
    0
  • 9 декабря 2017 в 15:02
    Яшел Үзән шәһәрендә истәлекле вакыйга 16 ел элек нигез салына башлаган һәм бөтен шәһәр халкы, предприятиеләр ярдәме белән төзелеп сафка баскан һәм шәһәрнең архитектура үзәгенә әверелгән үзәк мәчет - Җәмигъ мәчете рәсми ачылды.
    188
    0
    2
  • 9 декабря 2017 в 12:32
    Яшел Үзән районында “Лексус” һәм йөк машинасы “маңгайга-маңгай” бәрелешкән Юл һәлакәте Яшел Үзән районында М7 федераль трассаның 746нчы чакрымында булган.
    178
    0
    0
  • 9 декабря 2017 в 11:17
    Салават Фәтхетдинов быелгы «Татар җыры»нда катнашу турында: «Минем башка анда чыгыш ясарга теләгем юк» Былтыр узган «Татар җыры» башкалардан аерылып торды: берьюлы ике «барс» алганнар булды, мәрхүмә Хәния Фәрхигә беренче «барс»ын кабат тапшырдылар һәм... тамашада Салават Фәтхетдинов чыгыш ясамады. Ул көнне эстрадабыз мэтры Мәскәүдә сольный концертын куйды. Әлбәттә, аның булмавы күпләрне шаккатырды.
    174
    0
    0
  • 10 декабря 2017 в 10:09
    Яшел Үзән сандугачы «Татар моңы» җиңүчесе Казанда «Пирамида» күңел ачу үзәгенең концертлар залында IX «Татар моңы» халыкара яшь башкаручылар телевизион конкурсының гала-концерты зур күтәренкелек белән узды. Татар моңын, татар җырын яратучылар белән зал шыгрым тулы иде.
    147
    0
    1
  • 11 декабря 2017 в 11:36
    Айдар Галимов кызы Айгизәнең җырлавына ник каршы? Айгизәнең инстаграмдагы аккаунтына язылучылар, аның киенүе, җырлавы Риананыкын хәтерләткәнен белә. Чит илдә болай киенү нормаль күренеш булса, татар-башкорт мохитендә моны аңламаучылар да бар.
    129
    0
    0
  • 10 декабря 2017 в 13:09
    Язылмыйча булдыра алмый, ничә яшьтә булса да Хөрмәтле «Яшел Үзән» редакциясе! Сезгә Вәсилә Шакирова исеменнән аның кызы яза.
    119
    0
    0