Яшел Үзән

Фатирга ихтыяҗ кимеми

2013 елда районда һәм шәһәрдә 110 мең квадрат метр торак мәйдан файдалануга тапшырылган. «Социаль ипотека» программасы буенча ике йорт төзелсә, 736 йортны халык үз көче белән салып кергән. Агымдагы елга план тагын да зуррак. - Татарстан Республикасы Төзелеш, архитектура һәм ЖКХ министрлыгы заданиесенә ярашлы рәвештә, 2014 елда без 120 мең...

2013 елда районда һәм шәһәрдә 110 мең квадрат метр торак мәйдан файдалануга тапшырылган. «Социаль ипотека» программасы буенча ике йорт төзелсә, 736 йортны халык үз көче белән салып кергән.
Агымдагы елга план тагын да зуррак.
- Татарстан Республикасы Төзелеш, архитектура һәм ЖКХ министрлыгы заданиесенә ярашлы рәвештә, 2014 елда без 120 мең квадрат метр торакны файдалануга тапшырырга тиеш, - дип сөйли муниципаль район башкарма комитеты җитәкчесенең беренче урынбасары Ирек Мәхмүтов. - 1 гыйнварга алынган мәгълүматларга караганда, күп фатирлы 7 торак йорт (38 мең квадрат метр), асылда, төзелеп беткән диярлек, аларга техник документацияне генә эшләп бетерәсе бар. Болар - Сәйдәшев урамында «Социаль ипотека» программасы буенча төзелгән 79 фатирлы торак йорт; Гоголь һәм Ленин урамнарында сату өчен төзелгәннәре; Осиновоның Радужный микрорайонында төзелгән 160 фатирлы йорт - бу йортларны гыйнвар аенда файдалануга тапшырырга исәпләп торабыз. Болардан тыш, Карл Маркс урамында 69 фатирга исәпләнгән һәм март аенда тапшырылырга тиешле йорт бар. Май аенда Төзүчеләр проспектындагы 96 фатирлы һәм Осиноводагы 264 фатирлы йорт үзенең яңа хуҗаларын кабул итәр дип ышанабыз.
Шул ук вакытта былтыр төзелә башлаган һәм быел файдалануга тапшырылырга тиешле тагын берничә торак йорт бар. Ел ахырына кадәр тапшырылачак 8 йортның гомуми мәйданы 43 мең квадрат метр. «Социаль ипотека» программасы буенча шул ук Мирныйда ике йорт калка. Коммерция бәясе буенча сатыла торган йортлар, нигездә, шәһәрнең иске өлешендә төзелә. Болар - Почтовая (105 фатирга исәпләнгәне), Зеленая (32 фатирлы), Шустов (110 фатирлы) һәм Заикин (62 фатир) урамнарында төзелә торганнары. Осиновода да 120шәр фатирлы ике йортта төзүчеләр эшли. Аларның берсе - майда, икенчесе сентябрьдә ишекләрен ачачак.
Акча кереме аз булган гади халык «Социаль ипотека» программасы буенча фатир алуны кулай күрә. Әлеге программаның популяр булуын исәпкә алып, Боз сарае янында янә күп фатирлы дүрт йорт салу планга кертелгән. Йортлар арасында, төгәлрәге, Бакый Урманче урамында 260 урынга исәпләнгән балалар бакчасы да төзеләчәк. Өмет күле, Җиңү паркы янында киләсе елда яңа йортлар калкып чыгарга тиеш. Осиновода «Майский» теп­лица комбинаты, тулай торак төзеп, үзенең эшче-хезмәткәрләрен шатландырган. Горький исемендәге заводның былтыр эшче-хезмәткәрләре өчен бер йортны сафка бастыруын язган идек. Әлеге предприятие «Красный металлист» торак комплексында ун катлы тагын бер йорт төзергә керешә. Кыскасы, акчасы булганнар үзе төзи, яшьләр һәм квалификацияле белгечләр исә, дәүләтнең махсус программалары ярдәмендә фатир алу бәхетенә ирешә.
Әлифел Таразова

Нравится
Поделиться:
Реклама
Комментарии (0)
Осталось символов: